الصعيد قنديل مصر المطفي
الصعيد قنديل مصر المطفي
وف شراينه مخبي
سر خلاص حتحور
تحت ماجور عيش شمسي
فجر يعدي يمسي
ويمشي زعلان يدفن حاله ف جبانه
أمانه لما أموت وتفتحوا نعشي
قولوا كان بيعدي من التحرير
كان صاحب مينا وعفت
علي كفه حفر القهر نهر النيل الباكي
راجع قبلي يشكي لأخميم
آه يا حضارة بتتباع
والشاري جاهل بالحرف
ولا يعرف وصف بهيه إزاي
تقدر ف القومه
تعدي بحور العجز
يحرسها سعد الشاذلي
عبقري جيش أحمس
؟؟؟ كفاية بقي لا تعيد وتزيد
طيب غني يارباب الناي
اتوضي واسمع
عارف يعني ايه الصعيد
يعني صبر يفل الحديد
يعني ناس كما الوتد في
الأرض
العرض غنوه ونشيد
يعني فلاح حب سعد باشا
عزم النحاس ع العشا في سوهاج
رغيف شمسي وجبنه قديمه
وصحن ويكه مسطاح شامي
يعني أحمس
يعني بصيرة العميد وفصاحةالعقاد
يعني أبنودي
يحضن لحن بليغ
صلاح جاهين فخر أخميم
يعني حضارة وشال تاريخ
شال بلد ع العين والراس
يعني حراس مشاه
وجنود الجيش العظيم
يعني غيطاني
يعني مزيكا عمار الشريعي
الصعيد وجع
نازف بصمت المحب للمحروسة
يعني عامل ممسوك في كمين
وأمين يفتش في خطوط جلابيه حزن وقهر وفقر دكر مقصود
ينهش دود الأرض
عضم المحروسة
شكل كل جدار في معابد إخناتون
نحكي تاريخ مش نافع
نكتب شعر مهوش شافع
لبتوع النفط منيش خاضع
وف حضن الأزهر
قلبي يكبر خاشع
…
مفتتح القصة
قنديل طهطاوي
سرسب روحه كتاب
شيخ كتاب
عباقرة ف ترجمة الحرف
يرجع مرجوع الحدوته
الحرافيش سلطنوا غازي
ركب الحسبه
عمل العزبة
جاب مماليك
وجواري
تعرف
أن القطر
بيصرخ توت توت
ع السكه قلوب بتموت ع رغفان الحر
أه همام الصعيد
جعلوك خط
مقروش شعر أبن عروس
يعني ايه الصعيد يعني حد بسيط
ولايبان عليه وعي مع انه فصيح بالفطره
عارف يعني ايه الصعيد
يعني صبر يفل الحديد
يعني ناس كما الوتد في
الأرض
العرض غنوه ونشيد
يعني فلاح حب سعد باشا
عزم النحاس ع العشا في سوهاج
رغيف شمسي وجبنه قديمه
وصحن ويكه مسطاح شامي
يعني أحمس
يعني بصيرة العميد وفصاحةالعقاد
يعني أبنودي
يحضن لحن بليغ
صلاح جاهين فخر أخميم
يعني حضارة وشال تاريخ
شال بلد ع العين والراس
يعني حراس مشاه
وجنود الجيش العظيم
يعني غيطاني
يعني مزيكا عمار الشريعي
الصعيد وجع
نازف بصمت المحب للمحروسة
يعني عامل ممسوك في كمين
وأمين يفتش في خطوط جلابيه حزن وقهر وفقر دكر مقصود
ينهش دود الأرض
عضم المحروسة
شكل كل جدار في معابد إخناتون
تعرف
أن القطر
بيصرخ توت توت
ع السكه قلوب بتموت ع رغفان الحر
أه همام الصعيد
جعلوك خط
مقروش شعر أبن عروس
يعني ايه الصعيد يعني حد بسيط
ولايبان عليه وعي مع انه فصيح بالفطره
