مقالات
دخل الجنيه إنعاش والناس ف غيبوبه.. رباعيات..ضياء الميرغني
الطوبه جت ف المعطوبه ودنيا مقلوبه
دخل الجنيه إنعاش والناس ف غيبوبه
حسب حساب الدولار دى سياسه ملعوبه
لحمه وسمك إنسى رجلين الفراخ أعجوبه
=================
ياللى غويت اللوع وفاكر إنك جدع
شفنا البدع ومن كدبك الخير إتمنع
منا اللى إتخدع إتوجع ومخه إتلسع
ومن إعترض بلا غرض تاب وإرتجع
======================
أنا ومش أنا؟ مين فينا هد ومين بنا؟
كام سنه عشناها ما بين فرح وعكننه
ولا عارفين نفرق بين فرعنه وقرصنه
راضين بظلم بعضنا ونسينا عدل ربنا
ضياء الميرغنى
فنان مصري وزجال
إتبعنا
